“Milli Hərəkat”ın liderlərindən Giorgi Baramidze saxlanılıb

“Vahid Milli Hərəkat” partiyasının liderlərindən biri Giorgi Baramidze saxlanılıb. 24News.ge xəbər verir ki, Prokurorluğun nümayəndələri Giorgi Baramidzeyə öz evində qandal taxaraq onu saxlayıblar. Saxlanılma anını əks etdirən görüntüləri Giorgi Baramidzenin həyat yoldaşı sosial şəbəkədə yayıb. "Mənə dedilər ki, məni Gürcüstana xəyanətdə ittiham edərək saxlayırlar", - deyə Giorgi Baramidze həyat yoldaşının yayımladığı videoda bildirib. Baş prokurorun müavini Amiran Quluaşvili brifinqdə bildirib ki, Vahid Milli Hərəkat”ın liderlərindən Giorgi Baramidze vətənə xəyanət, konkret olaraq sabotaj ittihamı ilə saxlanılıb. Onun sözlərinə görə, Gürcüstan Baş Prokurorluğu Giorgi Baramidzeyə qarşı vətənə xəyanət və sabotaj faktı üzrə araşdırmaya avqustun 7-də başlayıb. İş “Vahid Milli Hərəkat”ın liderlərindən olan Giorgi Baramidzeyin Yaqo Xviçiyaya verdiyi müsahibə ilə əlaqələndirilir. Baramidze müsahibəsində Abxaziya müharibəsi zamanı “bizim əsirlərimiz yox idi, bizimkilər əsir götürmürdülər, bizimkilər onları güllələyirdilər” məzmununda ifadələr səsləndirib. Prokurorluğun məlumatına görə, hazırda araşdırma davam etdirilir. Baramidzeyə qarşı irəli sürülən ittihamlarla bağlı yekun hüquqi qiyməti məhkəmə verəcək.

www.24news.ge

“Milli Hərəkat”ın liderlərindən Giorgi Baramidze saxlanılıb

Digər xəbərlər