1 sentyabrdan etibarən avtomobillərin səs-küy səviyyəsinə nəzarəti patrul polisi həyata keçirəcək

Gürcüstanda 1 sentyabrdan etibarən avtomobillərin yaratdığı səs-küy birbaşa yol hərəkəti zamanı yoxlanılacaq. 24News.ge xəbər verir ki, bu barədə məlumatı Daxili İşlər Nazirliyi yayıb. Məlumata görə, əgər avtomobilin səs səviyyəsi qanunla müəyyən edilmiş normanı aşarsa, sürücü cərimələnəcək və sürücülük vəsiqəsindən ballar silinəcək. Nazirliyin iyul ayında qəbul etdiyi qərara əsasən, nəqliyyat vasitələrinin istismarı zamanı yaranan səs-küy sertifikatlaşdırılmış portativ cihazlarla ölçüləcək. Yoxlamalar beynəlxalq ISO 5130:2019 standartlarına uyğun aparılacaq. Qaydalara görə, yaşayış məntəqələrində gecə saatlarında – 23:00-dan 08:00-dək avtomobilin yaratdığı səs 80 desibeli keçməməlidir. Qanun pozuntusuna görə cəzalar belədir: • İlk dəfə: 100 lari cərimə və 10 balın silinməsi; • Təkrar: 200 lari cərimə və 20 balın silinməsi; • Üçüncü və sonrakı hallar: 300 lari cərimə və 30 balın silinməsi. Yeni qaydaların tətbiqi ilə yol hərəkətində səs-küyün azaldılması və vətəndaşların rahatlığının qorunması hədəflənir.

www.24news.ge

1 sentyabrdan etibarən avtomobillərin səs-küy səviyyəsinə nəzarəti patrul polisi həyata keçirəcək

Digər xəbərlər