1 sentyabrdan etibarən 500 laridən yuxarı əməliyyatlar “şübhəli” kimi qiymətləndiriləcək

1 sentyabrdan etibarən Gürcüstanda 500 laridən yuxarı məbləğdə edilən qumar və kriptovalyuta əməliyyatları şübhəli tranzaksiya kimi qiymətləndiriləcək. 24News.ge xəbər verir ki, bu barədə məlumatı Gürcüstan Milli Bankı yayıb. Qurumun açıqlamasına görə, bu dəyişiklik xüsusilə 60 yaşdan yuxarı şəxslərin maliyyə fırıldaqlarından qorunması məqsədi daşıyır və bu kateqoriya üzrə ödəniş əməliyyatlarına nəzarət daha da sərtləşdirilir. Qaydaya əsasən, 500 laridən yuxarı və yüksək riskli sahələrlə – o cümlədən onlayn ticarət, forex, investisiya, oyun biznesi və virtual aktivlərlə bağlı əməliyyatlar “riskli əməliyyat” hesab ediləcək. Belə hallarda banklar və ödəniş xidməti provayderləri əməliyyatı müvəqqəti dayandırmalı və ya müştəri ilə əlaqə saxlayaraq məlumatlandırma aparmalıdır. Müştərilərə şübhəli əməliyyatı təsdiqləmək üçün 48 saat vaxt veriləcək. Qeyd edilib ki, yeni qaydalar ilkin mərhələdə yalnız kart əməliyyatlarına şamil olunacaq.

www.24news.ge

1 sentyabrdan etibarən 500 laridən yuxarı əməliyyatlar “şübhəli” kimi qiymətləndiriləcək

Digər xəbərlər