Abituriyentlər üçün istisna qərar – Təkrar qəbul imkanı yaradıldı

Təhsil, Elm və Gənclər Nazirliyi vahid milli imtahanlarda minimal keçid balını toplayan, lakin heç bir ali təhsil proqramına qəbul olunmayan abituriyentlər üçün bu il istisna olaraq ikinci yerləşdirmə (təkrar qəbul) imkanı yaradıb. 24News.ge xəbər verir ki, Nazir Givi Mikanadze brifinqdə bildirib ki, bu qərar baş nazir İrakli Kobaxidzenin təşəbbüsü ilə qəbul olunub. Onun sözlərinə görə, 19 avqustda açıqlanan nəticələrə əsasən, bu il imtahanlarda iştirak edən 39 689 abituriyentdən 34 150-si ali və peşə təhsil proqramlarına qəbul olunub. Lakin 1 795 abituriyent minimal keçid balını toplasa da, seçdikləri ixtisaslara balı çatmadığı üçün heç bir proqram üzrə yerləşdirilməyib. Nazir qeyd edib ki, bu cür hallar hər il baş versə də, son illərdə ikinci yerləşdirmə praktikası tətbiq olunmurdu. Lakin ali təhsil sistemində aparılan islahatlar və cari ilin keçid dövrü olması nəzərə alınaraq, yalnız bu il üçün istisna tətbiq edilir. Beləliklə, minimal keçid balını toplayan həmin 1 795 abituriyentə əlavə seçim edərək ali təhsil proqramlarına qəbul olmaq imkanı veriləcək. Təhsil nazirinin sözlərinə görə , dövlət və özəl ali və peşə təhsili müəssisələrindəki boş yerlərə qeydiyyat sentyabrın birinci yarısında elan ediləcək, bundan sonra milli imtahanlarda minimum həddi keçən abituriyentlərə yuxarıda qeyd olunan proqramlara qeydiyyatdan keçmək imkanı veriləcək.

www.24news.ge

Abituriyentlər üçün istisna qərar – Təkrar qəbul imkanı yaradıldı

Digər xəbərlər