“Vəhdət həftəsi” çərçivəsində Marneulidə geniş tədbir keçirilib (FOTO)

Marneuli bələdiyyəsinin Qaçağan kəndində İslam Peyğəmbəri Həzrət Məhəmmədin (s) və İmam Cəfər Sadiqin (ə) mövludu, həmçinin Vəhdət həftəsi münasibətilə təntənəli mərasim keçirilib. 24News.ge xəbər verir ki, tədbirin aparıcısı Çingiz Əliyev qonaqları salamlayıb və mərasim Hacı Rahid Kərimovun Qurani-Kərimdən ayələr tilavəti ilə başlayıb. Tədbirdə Bütün Gürcüstan Müsəlmanları İdarəsinin Şeyxi Faiq Nəbiyev, Şərqi Gürcüstan müftisinin nümayəndəsi Bəxtiyar Tanrıverdiyev və Azərbaycandan dəvət olunmuş ilahiyyatçı Sahib Məmmədov çıxış ediblər. Natiqlər öz çıxışlarında Peyğəmbərin (s) həyatı, İmam Sadiqin (ə) irsi, İslam aləmində vəhdətin əhəmiyyəti və mənəvi dəyərlərdən bəhs ediblər. Tədbirin bədii hissəsində İslam Peyğəmbərinə (s) həsr olunmuş sənədli film nümayiş etdirilib. Məclisdə əhli-beyt məddahı Səyid Həsən tərəfindən ilahilər səsləndirilib. Proqramın sonunda iştirakçılar üçün ehsan süfrəsi təşkil olunub. Qeyd edək ki, tədbir Bütün Gürcüstan Müsəlmanları İdarəsinin təşkilatçılığı ilə keçirilib.

www.24news.ge

“Vəhdət həftəsi” çərçivəsində Marneulidə geniş tədbir keçirilib (FOTO)

Digər xəbərlər