Vətəndaşlara xəbərdarlıq: Saxta cərimə mesajlarına aldanmayın

Ekoloji Nəzarət Departamenti vətəndaşları mümkün dələduzluq sxeminə aldanmamağa çağırır. 24News.ge xəbər verir ki, departamentin məlumatına görə, avqustun 19-da vətəndaşlara avtomobillərinin cərimələnməsi ilə bağlı SMS mesajları göndərilib. Mesajlarda saxta internet səhifəsinə keçid təqdim olunub. Bildirilib ki, keçidə daxil olduqda Ekoloji Nəzarət Departamentinin köhnə loqosunun yerləşdirildiyi və ödənilməmiş cərimə ilə bağlı məlumatların əks olunduğu saxta veb-səhifə açılır. Sayt vətəndaşlara bank kartı məlumatlarını daxil etməklə cəriməni ödəmək imkanı təqdim edir. Departament vətəndaşlara belə mesajlar aldıqda göstərilən linkə daxil olmamağı və şəxsi bank məlumatlarını paylaşmamağı tövsiyə edib. Qeyd olunub ki, məsələ ilə bağlı materiallar araşdırılması və müvafiq tədbirlərin görülməsi üçün Daxili İşlər Nazirliyinə göndərilib.

www.24news.ge

Vətəndaşlara xəbərdarlıq: Saxta cərimə mesajlarına aldanmayın

Digər xəbərlər