İran ABŞ-ın İordaniyadakı aviabazasını vurub

İran ordusunun elit bölməsi olan İslam İnqilabı Keşikçiləri Korpusu (SEPAH) ABŞ-ın İordaniya ərazisindəki hərbi aviabazasına hücum təşkil edib. 24News.ge xəbər verir ki, məlumatı İranın dövlət teleradio şirkəti olan IRIB yayıb. "SEPAH qüvvələri ABŞ Silahlı Qüvvələrinin İordaniyada yerləşən aviabazasına və Mərkəzi Komandanlığının qərargahına bir neçə ballistik raketlə zərbələr endirib", - deyə açıqlamada qeyd olunub. Xatırladaq ki, iyulun 26-da SEPAH-ın rəsmi nümayəndəsi, general Hüseyn Mohebbi bildirib ki, 8-15 iyul tarixlərində baş verən hərbi əməliyyatlar zamanı İran ABŞ-yə 20 milyard dollar dəyərində maddi ziyan vurub. O qeyd edib ki, İran tərəfindən onlarla komandanlıq mərkəzinə, hava hücumundan müdafiə sistemlərinə, erkən xəbərdarlıq radarlarına, rabitə qovşaqlarına, sursat anbarlarına, logistika obyektlərinə, aviasiya anqarlarına, qırıcılara, PUA-lara və köməkçi texnikaya zərbələr endirilib.

www.24news.ge

İran ABŞ-ın İordaniyadakı aviabazasını vurub

Digər xəbərlər