Gürcüstanda saxlanılan 38 nəfər Türkiyəyə ekstradisiya edilib

Gürcüstanda saxlanılan 38 nəfər Türkiyəyə ekstradisiya edilib. 24News.ge xəbər verir ki, bu barədə Türkiyə Daxili İşlər Nazirliyi məlumat verib. Bildirilib ki, saxlanılan şəxslərin narkotik vasitələrin və ya psixotrop maddələrin ölkəyə qanunsuz gətirilməsi, qəsdən adamöldürmə, dələduzluq, hədə-qorxu, pul saxtalaşdırılması, insan alveri, fahişəliyə cəlb etmə, qaçaqmalçılıqla mübarizə qanununun tələblərinin pozulması və və digər cinayətləri törətmək məqsədilə axtarışda olduqları müəyyən edilib. Qeyd olunub ki, son bir ay ərzində bir sıra ölkələrdən Türkiyəyə 54 nəfər ekstradisiya olunub, onlardan 29-u "qırmızı bülleten", 25-i isə milli səviyyədə axtarışda olub. Həmin şəxslərin 38-i Gürcüstanda, 5-i Almaniyada, 2-si Azərbaycanda, həmçinin Bolqarıstan, Avstriya, Ekvador, Fransa, Xorvatiya, Qazaxıstan, Misir, Yunanıstan və Şimali Makedoniyada saxlanılıb.

www.24news.ge

Gürcüstanda saxlanılan 38 nəfər Türkiyəyə ekstradisiya edilib

Digər xəbərlər