Kobaxidze: Azərbaycan, Türkiyə və Ermənistanla çox yaxşı münasibətlərimiz var

"Gürcüstanın Azərbaycan, Türkiyə və Ermənistanla çox yaxşı münasibətləri var". 24News.ge xəbər verir ki, bunu ölkənin Baş naziri İrakli Kobaxidze Tacikistana səfəri çərçivəsində jurnalistlərə açıqlamasında deyib. Baş nazir qeyd edib ki, Gürcüstan yeddi ölkəni Qara dəniz vasitəsilə Qərb məkanına bağlayan mühüm tranzit mərkəzidir və bu potensialdan maksimum istifadə etmək vacibdir. Baş nazir vurğulayıb ki, Mərkəzi Asiya ölkələri ilə münasibətlərdə müsbət dinamika müşahidə olunur və bu proseslər Gürcüstanın tranzit imkanlarının genişlənməsinə töhfə verəcək. İrakli Kobaxidze bildirib ki, nəqliyyat əlaqələrinin və tranzit funksiyasının gücləndirilməsi məqsədilə iri həcmli investisiyalar həyata keçirilir. O, həmçinin Gürcüstanın Azərbaycan, Ermənistan və Türkiyə ilə çox yaxşı münasibətlərə malik olduğunu və Mərkəzi Asiya ölkələri ilə əlaqələrin də maksimum səviyyədə inkişaf etdirilməsinə xüsusi diqqət ayrıldığını qeyd edib. Kobaxidze Tacikistan Prezidenti Emoməli Rəhmon ilə görüşdə Orta Dəhliz üzrə səylərin gücləndirilməsinin və marşruta əlavə yüklərin cəlb edilməsinin vacibliyini bildirib. Onun sözlərinə görə, görüş zamanı tərəflər ticarət-iqtisadi əməkdaşlığın genişləndirilməsi imkanlarını ətraflı müzakirə ediblər. İ.Kobaxidze bildirib ki, tərəflərin razılığı əsasında iqtisadi məsələlər üzrə hökumətlərarası komissiya yaradılıb və əməkdaşlığın bütün istiqamətlərdə inkişafı bu platforma çərçivəsində təmin olunacaq.

www.24news.ge

Kobaxidze: Azərbaycan, Türkiyə və Ermənistanla çox yaxşı münasibətlərimiz var

Digər xəbərlər