Marneulidə Qədir-Xum Bayramı ilə bağlı möhtəşəm tədbir keçirilib (VİDEO)

Qədir-Xum bayramı münasibətilə Marneuli şəhərində möhtəşəm bayram tədbiri keçirilib. 24News.ge xəbər verir ki, "Azərbaycan Evi"nin parkında baş tutan tədbir İmam Hüseyn Heyəti tərəfindən təşkil olunub. Tədbirdə din xadimləri, elm və ictimaiyyət adamları, eləcə də şəhər və ətraf kəndlərdən gələn çoxsaylı qonaqlar iştirak ediblər. Müqəddəs Qurani-Kərimin tilavəti ilə başlayan mərasimdə bir sıra din xadimləri və imam-cümələr çıxış edərək Qədir-Xum gününün müsəlmanlar üçün birlik, məhəbbət, sədaqət və ilahi rəhbərlik dəyərlərini təcəssüm etdirən əlamətdar hadisə olduğunu vurğulayıblar. Natiqlər bildiriblər ki, Qədir-Xum hadisəsi İslam tarixində mühüm yer tutur və müsəlmanları haqq, ədalət, mənəviyyat və əxlaqi dəyərlərə sadiq qalmağa çağırır. Mərasim çərçivəsində iştirakçılar arasında sual-cavab proqramı təşkil olunub. Verilən sualları düzgün cavablandıran şəxslərə müxtəlif hədiyyələr təqdim edilib. Bundan əlavə, tədbirdə iştirak edən uşaqlara şirniyyatlar və müxtəlif hədiyyələr paylanılıb. Tədbirin bədii hissəsində isə Əhli-beyt məddahları Səid Həsən və Anar Cəfəri çıxış edərək öz mənəvi və təsirli ifaları ilə iştirakçılara xoş ovqat yaşadıblar.

www.24news.ge

Marneulidə Qədir-Xum Bayramı ilə bağlı möhtəşəm tədbir keçirilib (VİDEO)

Digər xəbərlər