Saakaşvili Nika Melia ilə bağlı sərt və emosional açıqlama verib

Gürcüstanın sabiq prezidenti Mixeil Saakaşvili sosial şəbəkədə yayımladığı geniş açıqlamada Nika Melia ilə bağlı fikirlərini bölüşüb. 24News.ge xəbər verir ki, Saakaşvili bildirib ki, Nika Meliyaya illər ərzində bir çox hallarda güzəşt edib, ona dəstək göstərib və onun barəsində səsləndirilən tənqidlərə əhəmiyyət verməyib. Saakaşvili bildirib ki, Meliyadan hər zaman nəsə çıxacağına ümid edib, onu dəstəkləyib və onun “təhsilsizliyi və ideyasızlığı” ilə bağlı tənqidçiləri görməzdən gəlib. O, Meliyanın siyasi fəaliyyətindən gözləntilərinin olduğunu, lakin nəticədə məyusluq yaşadığını qeyd edib. Keçmiş prezident əlavə edib ki, Melia sonda “İrakli Okruaşvili və Giga Bokeriya kimi şəxslərin olduğu mühitə” düşüb. Açıqlamada Saakaşvili özünün müxtəlif ölkələrdə karyera quran keçmiş tərəfdaşlarından da bəhs edib. O, Ukraynada və Gürcüstanda onun dəstəyi ilə bir sıra keçmiş əməkdaşlarının yüksək vəzifələrə gəldiyini bildirib. Onun sözlərinə görə, Ukraynada keçmiş köməkçilərindən biri Milli Antikorrupsiya Bürosuna rəhbərlik edir, digəri isə “Azov” bölməsinin komandirlərindən biridir. Saakaşvili həmçinin Lado Qurgenidze, Davit Şaşkin, Zurab Adeişvili və Vera Kobalia kimi keçmiş əməkdaşlarını da xatırladıb. O, həmçinin yaxın keçmiş köməkçilərindən birinin Fransada siyasi fəaliyyət göstərdiyini və prezidentliyə namizəd ola biləcəyini bildirib. Saakaşvili qeyd edib ki, bəzi şəxslər onun dəstəyindən faydalansa da, sonradan onu tərk ediblər və fərqli siyasi mövqelərə keçiblər. Sonda o, Nika Melia barədə sərt tənqidlər səsləndirsə də, onun azad olunmasını və ailəsinə qovuşmasını arzuladığını bildirib.

www.24news.ge

Saakaşvili Nika Melia ilə bağlı sərt və emosional açıqlama verib

Digər xəbərlər