Rustavidə Yormuğanlı kəndindən olan heyvandarlar etiraz aksiyası keçiriblər, əraziyə polis cəlb edilib (VİDEO)

Mayın 20-də heyvandarlıqla məşğul olan şəxslər Rustavi şosesi yaxınlığında etiraz aksiyası keçiriblər. 24News.ge Mautskebeli mediasına istinadən xəbər verir ki, etiraza səbəb qoyun sürülərinin hərəkəti üçün nəzərdə tutulan yolların və keçidlərin olmaması olub. Aksiya iştirakçıları bildiriblər ki, mövsümlə əlaqədar mal-qaranı yaylaqlara aparırlar, lakin sürülərin hərəkəti üçün uyğun marşrutun olmaması ciddi çətinliklər yaradır. Onların sözlərinə görə, mövcud vəziyyət heyvandarları alternativ və riskli marşrutlardan istifadə etməyə məcbur edir. Aksiyada iştirak edənlərin əksəriyyəti Saqareco rayonunun Yormuğanlı kənd sakinləri olub. Etirazçılar iddia edirlər ki, mal-qaranın hərəkət etdiyi ərazilər sahibkarlar tərəfindən alınıb və özəlləşdirilib. Onların sözlərinə görə, torpaq sahibləri həmin ərazilərdən keçid üçün fermerlərdən ödəniş tələb edirlər. Fermerlər qeyd ediblər ki, hər il qışlaqdan yaylağa köç zamanı eyni problemlə üzləşirlər. Etirazçıların bildirdiyinə görə, hazırda onların qarşısında iki seçim var: ya qoyun sürülərini Tbilisi–Qırmızı Körpü avtomagistralı ilə aparmaq, ya da şəxsi torpaq sahələrindən keçmək üçün ödəniş etmək. Hadisə yerinə çox sayda patrul polisi də cəlb olunub.

www.24news.ge

Rustavidə Yormuğanlı kəndindən olan heyvandarlar etiraz aksiyası keçiriblər, əraziyə polis cəlb edilib (VİDEO)

Digər xəbərlər