Abxaziyalı bloqerin ölümü ilə bağlı xarici ölkə vətəndaşı saxlanılıb

Polis Abxaziyalı bloqer Daur Buavanın ölümü ilə bağlı xarici ölkə vətəndaşını saxlayıb. 24News.ge xəbər verir ki, Daxili İşlər Nazirliyinin məlumatına görə, saxlanılan şəxsə qarşı “təhlükədə qoyma” ittihamı irəli sürülüb. “Daxili İşlər Nazirliyinin Tbilisi Polis Departamentinin Vake-Saburtalo Baş İdarəsinin əməkdaşları tərəfindən Daur Buavanın ölümü faktı üzrə başlanmış istintaq çərçivəsində xarici ölkə vətəndaşı təhlükədə qoyma ittihamı ilə saxlanılıb. Aparılan istintaqla müəyyən edilib ki, saxlanılan şəxs və Daur Buava dost olublar. Onlar Tbilisidə, Didi Diğomi qəsəbəsində Buavanın müvəqqəti yaşadığı mənzildə birlikdə olublar və orada narkotik vasitə qəbul ediblər. Bundan sonra hər ikisinin vəziyyəti pisləşib. Şübhəlinin ifadəsinə görə, ağır və həyatı üçün təhlükəli vəziyyətdə olan Daur Buavanı tək qoyub. Belə ki, o, mənzilin qapısını ikinci açarla çöldən bağlayaraq hadisə yerini tərk edib, baş verənlə bağlı heç kimə məlumat verməyib və zərərçəkənə kömək üçün heç kimə müraciət etməyib. Faktla bağlı istintaq Cinayət Məcəlləsinin 115-ci (intihara sövq etmə) və 128-ci (təhlükədə qoyma) maddələri ilə aparılır. İş üzrə müvafiq kompleks istintaq tədbirləri davam etdirilir,” – deyə məlumatda bildirilir.

www.24news.ge

Abxaziyalı bloqerin ölümü ilə bağlı xarici ölkə vətəndaşı saxlanılıb

Digər xəbərlər