Gürcüstanda bəzi it cinslərinin yetişdirilməsinə moratorium tətbiq olunacaq

Hiperpopulyasiyanın idarə edilməsi məqsədilə Gürcüstanda bəzi it cinslərinin yetişdirilməsinə moratorium elan olunub. 24News.ge xəbər verir ki, qərara Baş Nazir İrakli Kobaxidze imza atıb. Sənədə əsasən, moratorium yüksək risk daşıyan cins itlərə, o cümlədən Amerika pit bul teryeri, Fila Brasileiro, Staffordshir teryeri, Argentina dogu, Tosa Inu, Cane Corso və Staffordshir bul teryerinə şamil ediləcək. Digər cinslərdən isə Haski, Malamut və Layka moratoriuma daxildir. “Ev heyvanları haqqında” qanunun 23-cü maddəsinin 2-ci bəndinin “a” altbəndinə əsasən, ölkə ərazisində bu qərarın qüvvəyə minməsindən etibarən üç il müddətinə itlərin yetişdirilməsinə moratorium tətbiq olunacaq. Moratorium dövründə onun icrasına nəzarət Qida üzrə Milli Agentlik və bələdiyyələrin səlahiyyətli orqanları tərəfindən həyata keçiriləcək. Qərar 1 iyul 2026-cı ildən qüvvəyə minəcək.

www.24news.ge

Gürcüstanda bəzi it cinslərinin yetişdirilməsinə moratorium tətbiq olunacaq

Digər xəbərlər