Kolayır kəndində həmkəndlilər arasında torpaq qalmaqalı (VİDEO)

Bolnisi bələdiyyəsinin Kolayır kənd sakini Əfqan Həsənov və onun ailəsi iddia edir ki, onlara məxsus 30 sot torpaq sahəsi həmkəndiləri Elburus Allahverdiyev tərəfindən mənimsənilib. 24News.ge xəbər portalına müsahibə verən Həsənovların sözlərinə görə, illərdir əkib-becərdikləri torpaq sahəsi onların xəbəri olmadan əllərindən alınıb və hazırda Elburus Allahverdiyevin mülkiyyətinə verilib. Kolayır kənd sakinlərinin bildirdiyinə görə, son bir neçə ildə bir sıra kənd sakinləri oxşar hallarla üz-üzə qalır və torpaq sahələri onların xəbəri olmadan mənimsənilir. Həsənovlar ailəsi bildirir ki, Elburus Allahverdiyev müxtəlif vasitələrlə şahidlər cəlb edərək sözügedən torpaq sahəsini öz adına özəlləşdirib. Torpaq şöbəsində şahid qismində adı qeyd olunan şəxslər isə heç bir şahidlik etmədiklərini və adlarının qeyri-qanuni şəkildə sənədlərə salındığını deyirlər. Xəbər portalımızın əməkdaşları hadisədə ittiham olunan Elburus Allahverdiyevlə əlaqə saxlayıblar. O, səsləndirilən ittihamları yalan və böhtan adlandıraraq bildirib ki, sözügedən torpaq sahəsi hökumət tərəfindən onlara verilmiş norma çərçivəsindədir və o, torpaq sahəsini qanuni şəkildə özəlləşdirib. Zərərçəkən ailə baş verən hadisələrdə Bolnisi bələdiyyəsinin Kolayır kəndi üzrə mer nümayəndəsi Əli Qurbanovu da ittiham edir. Onların sözlərinə görə, Əli Qurbanov baş verən bütün proseslərdən xəbərdar olub. Xəbər portalımızın suallarını cavablandıran Əli Qurbanov isə torpaqla bağlı iddialarda onun heç bir müdaxiləsi və səlahiyyətinin olmadığını, bütün proseslərin Ədliyyə Nazirliyi tərəfindən həyata keçirildiyini bildirib. Mövzu ilə bağlı daha ətraflı xəbər portalımızın əməkdaşlarının hazırladığı reportajı təqdim edirik:

www.24news.ge

Kolayır kəndində həmkəndlilər arasında torpaq qalmaqalı (VİDEO)

Digər xəbərlər