Marneulidə market və sürətli ödəniş terminalı qarət edilib (FOTO)

Marneuli şəhərinin 26 May küçəsində yerləşən “Fərid Market” və sürətli ödəniş terminalı qarət edilib. 24News.ge xəbər verir ki, hadisə yanvarın 13-də səhər saat 05:00 radələrində baş verib. Təhlükəsizlik kameralarına düşən görüntülərə əsasən, naməlum iki nəfər mağazanın ön girişindəki jalüz dəmirlərin kilidini sındıraraq içəri daxil olub. Daha sonra marketin giriş şüşələrini qıran şəxslər kassadan müəyyən miqdarda pul və xeyli sayda siqaret oğurlayıblar. Bundan əlavə, marketin yanında yerləşən sürətli ödəniş aparatını da sındıran şübhəlilər oradan təxminən 1500 lari məbləğində pul götürüblər. Hazırda hadisə yerində ekspert-kriminalistlər və hüquq-mühafizə orqanlarının əməkdaşları çalışırlar. 24News.ge xəbər portalı hadisə ilə bağlı Daxili İşlər Nazirliyi ilə əlaqə saxlamağa çalışır.

www.24news.ge

Marneulidə market və sürətli ödəniş terminalı qarət edilib (FOTO)

Digər xəbərlər