Gürcüstan Müsəlmanları İdarəsinin Şuaxevi müftiliyinin ofisi istifadəyə verilib (FOTO)

Gürcüstan Müsəlmanları İdarəsinin təşkilatçılığı və möminlərin dəstəyi ilə tam bərpa olunan Şuaxevi Müftiliyinin ofisi istifadəyə verilib. 24News.ge xəbər verir ki, tədbirdə Acarıstan Muxtar Respublikasının Hökumətinin sədri Zurab Pataradze, Gürcüstan parlamentinin deputatı Anzor Bolkvadze, Acarıstan Ali Şurasının deputatları, Acarıstan Avtomobil Yolları Departamentinin sədri Zaza Şavadze, Din Məsələləri üzrə Dövlət Agentliyinin regional koordinatoru Abesalom Aslanidze, Şuaxevi bələdiyyəsinin meri Omar Takidze, Bələdiyyə Məclisinin sədri İaqo Davitadze, yerli hakimiyyət nümayəndələri, Türkiyə səfirliyinin dini məsələləri üzrə müşaviri Mahmud Göl, müsəlman dini təşkilatlarının nümayəndələri, müftilər, imamlar, Bütün Gürcüstan Müsəlmanları İdarəsinin rəhbərliyi və əməkdaşları, ilahiyyatçılar, eləcə də yerli möminlər iştirak ediblər. Tədbir iştirakçıları çıxışlarında bu mühüm dini və ictimai əhəmiyyət daşıyan layihənin həyata keçirilməsinin müsəlman icması üçün önəmini vurğulayıblar. Gürcüstan Müsəlmanları İdarəsi açılış mərasimində iştirak edən Acarıstan hökumətinin sədrinə və bu xeyirxah işin həyata keçirilməsinə hər hansı formada dəstək göstərən hər kəsə təşəkkürünü bildirib.

www.24news.ge

Gürcüstan Müsəlmanları İdarəsinin Şuaxevi müftiliyinin ofisi istifadəyə verilib (FOTO)

Digər xəbərlər