Qardabanidə baş verən silahlı insidentin yeni detalları məlum olub

Xəbər verdiyimiz kimi, axşam saatlarında Qardabani bələdiyyəsinin Vaxtanqisi kəndində silahlı qarşıdurma baş verib. 24News.ge xəbər portalına daxil olan məlumata görə, hadisə kriminal aləmin üzvləri tərəfindən törədilib. Əldə etdiyimiz məlumata əsasən, “oğru dünyası”nın üzvləri sözügedən kənddə mağaza sahiblərindən birindən külli miqdarda pul tələb ediblər. Həmin şəxs tələb olunan məbləği vermədiyi üçün onun övladına atəş açılıb. Xoşbəxtlikdən, hadisə zamanı xəsarət alan olmayıb. Məlumata görə, hadisə yerinə gələn polis əməkdaşları və mağaza sahibləri birgə silahlı insidentdə iştirak edən bir nəfəri saxlayıblar, digər şəxslər isə hadisə yerindən uzaqlaşa biliblər. 24News.ge xəbər portalı məsələyə dair Daxili İşlər Nazirliyinin mətbuat xidməti ilə əlaqə saxlamağa çalışır.

www.24news.ge

Qardabanidə baş verən silahlı insidentin yeni detalları məlum olub

Digər xəbərlər