İliya Dövlət Universitetinin tələbələri təhsil islahatlarına qarşı aksiya elan ediblər

İliya Dövlət Universitetinin Tələbə Hərəkatı 20 oktyabr tarixində Gürcüstan Təhsil və Elm Nazirliyinin qarşısında etiraz aksiyası keçirməyi planlaşdırır. 24News.ge xəbər verir ki, tələbələr Baş nazir İrakli Kobaxidzenin təhsildə planlaşdırdığı islahatlara qarşı çıxdıqlarını və bu islahatların təhsilin keyfiyyətinin artırılmasına deyil, universitet məkanında tənqidi düşüncənin məhdudlaşdırılmasına yönəldiyini iddia edirlər. Tələbələrin yayımladığı birgə bəyanatda deyilir ki, avtoritar rejimlər üçün təhsil məkanı hər zaman ciddi maneə olub: "Uzun illər ərzində təhsil məkanı avtoritar rejimlər üçün əngəl təşkil edib. Son illərdə Gürcü Arzusu partiyasının tənqidində və ona qarşı mübarizədə tələbələr və akademiklər mühüm rol oynayıblar. Bu səbəbdən də hazırda hakimiyyətin əsas hədəfi məhz bu sahədir". Tələbələr bildirirlər ki, islahatların məqsədi ali təhsil müəssisələrində siyasi nəzarət yaratmaq, senzura tətbiq etmək və tənqidçi mövqeləri susdurmaqdır: "Biz əminik ki, hökumətin planlaşdırdığı dəyişikliklər təhsilin keyfiyyətini yüksəltməyə deyil, tənqidi fikirlərin boğulmasına və universitetlərdə partiya maraqlarının yayılmasına xidmət edir. Bu, eyni zamanda rejimi tənqid edən universitetlərə qarşı bir təhdiddir və ölkənin ali təhsil sistemini Avropa və akademik dəyərlərdən təcrid edir". Tələbə Hərəkatı aksiya ilə bağlı ictimaiyyətə çağırış edərək, 20 oktyabr tarixində saat 18:00-da Təhsil Nazirliyinin qarşısında baş tutacaq etirazda iştirak etməyə dəvət ediblər.

www.24news.ge

İliya Dövlət Universitetinin tələbələri təhsil islahatlarına qarşı aksiya elan ediblər

Digər xəbərlər