MSK mer seçkilərində qalib gəlmək üçün tələb olunan səs faizlərini açıqladı

Bu gün 4 oktyabr tarixində yerli özünüidarəetmə orqanlarına seçkilər çərçivəsində mer və bələdiyyə məclisi üzvlərinin seçilməsi baş tutacaq. 24News.ge xəbər verir ki, vətəndaşlar merləri və məclis üzvlərini 4 illik müddətə seçəcəklər. Seçki qanunvericiliyinə əsasən, mer seçkilərində qalib sayılması üçün namizəd seçicilərin səslərinin 50 faizindən çoxunu qazanmalıdır. Əgər bu nəticə əldə olunmasa, mer vəzifəsi uğrunda seçkilərin ikinci turu keçiriləcək. İkinci turun keçirilməsi üçün son tarix 1 noyabr olaraq müəyyən edilib. Bələdiyyə məclislərinə proporsional sistem üzrə keçirilən seçkilərdə isə yalnız 4 faizlik seçki baryerini keçən siyasi partiyalar mandat qazana biləcək. Majoritar sistem üzrə isə həmin dairədə ən çox səs toplamış namizəd məclisə üzv seçiləcək. Rəqəmlərə əsasən, Tbilisidə mer postu uğrunda 9 namizəd mübarizə aparacaq. Ölkənin digər 63 bələdiyyəsində isə ümumilikdə 112 namizəd qeydiyyatdan keçib. Onlardan 4-ü təşəbbüs qrupları tərəfindən irəli sürülüb. Bələdiyyə məclislərinə majoritar namizədlərlə bağlı olaraq, ümumilikdə 2 228 namizəd qeydiyyata alınıb. Onlardan 160-ı Tbilisidəndir. Təşəbbüs qrupları tərəfindən isə 32 namizəd irəli sürülüb.

www.24news.ge

MSK mer seçkilərində qalib gəlmək üçün tələb olunan səs faizlərini açıqladı

Digər xəbərlər