Sabiq nazir müxalifət partiyasından merliyə namizəd olacaq

Politoloq, barış və vətəndaş bərabərliyi üzrə keçmiş nazir Paata Zakariaşvili müxalif “Gaxaria – Gürcüstan naminə” partiyası tərəfindən Kutaisi şəhərinin meri vəzifəsinə namizəd irəli sürülüb. 24News.ge xəbər verir ki, bu barədə Zakariaşvili özü açıqlama verib. Onun sözlərinə görə, təklif gözlənilməz olub və qərar qəbul etməzdən əvvəl bir neçə gün düşünmək və məsləhətləşmələr aparmaq məcburiyyətində qalıb: “Mənimlə danışıqlar avqustun 9-dan etibarən başladı. Nəhayət, razılaşdım və indi Kutaisidə partiyanın merliyə namizədi kimi irəli sürülmüşəm. Qərarı qəbul etmək asan olmadı – bir neçə gün düşündüm, məsləhətləşmələr apardım, bir neçə nəfərlə görüşdüm. Təklif mənim üçün gözlənilməz idi”, – deyə Zakariaşvili bildirib. Politoloq həmçinin qeyd edib ki, parlament seçkiləri başa çatdıqdan sonra o, hər zaman siyasi partiyaları yerli seçkilərə hazırlaşmağa çağırıb. Onun sözlərinə görə, bir vətəndaş kimi prinsipial mövqeyi seçkilərdə fəal iştirak etmək və dəyişikliklərə təkan verməkdir.

www.24news.ge

Sabiq nazir müxalifət partiyasından merliyə namizəd olacaq

Digər xəbərlər