Gürcüstan və Türkiyə arasında strateji tərəfdaşlığın dərinləşdirilməsi müzakirə olunub

Tbilisidə keçirilən Gürcüstan–Türkiyə Hökumətlərarası İqtisadi Komissiyasının 6-cı iclası çərçivəsində Gürcüstanın Baş naziri İrakli Kobaxidze və Türkiyənin nəqliyyat və infrastruktur naziri Abdulkadir Uraloğlu arasında görüş keçirilib. 24News.ge xəbər verir ki, Gürcüstan hökumətinin yaydığı məlumata görə, görüş zamanı iki ölkə arasında mövcud strateji tərəfdaşlıq münasibətləri və əməkdaşlığın dərinləşdirilməsi perspektivləri müzakirə olunub. Qeyd edilib ki, İqtisadi Komissiyanın fəaliyyəti ikitərəfli ticarət-iqtisadi əlaqələrin inkişafına mühüm töhfə verir. Tərəflər həmçinin regional və strateji əhəmiyyətli infrastruktur layihələrini müzakirə ediblər. Bildirilib ki, bu layihələr iki ölkə arasında əlaqələrin daha da möhkəmləndirilməsinə xidmət edir. Görüşdə Cənubi Qafqaz regionunda baş verən proseslər və bölgədə sülhün əhəmiyyəti də gündəmdə olub. Baş nazir İrakli Kobaxidze Gürcüstanın dialoqu təşviq etməyə və regionda uzunmüddətli sülh və sabitliyin təmin olunmasına hazır olduğunu bir daha vurğulayıb. Görüşdə həmçinin Gürcüstanın iqtisadiyyat və davamlı inkişaf naziri Mariam Kvrivişvili, infrastruktur naziri Revaz Soxadze və hökumət administrasiyasının rəhbəri Levan Jorjoliani iştirak ediblər.

www.24news.ge

Gürcüstan və Türkiyə arasında strateji tərəfdaşlığın dərinləşdirilməsi müzakirə olunub

Digər xəbərlər