Elektrik kəsintisi metro və dəmir yolunun fəaliyyətini iflic edib

Gürcüstanda baş verən genişmiqyaslı elektrik enerjisi kəsintisi səbəbindən Tbilisi metrosunun fəaliyyəti dayandırılıb. 24News.ge xəbər verir ki, eyni zamanda Gürcüstan Dəmir Yollarının hərəkətində də fasilə yaranıb. Xatırladaq ki, bu gün səhər saat 08:00 radələrindən etibarən ölkə üzrə genişmiqyaslı elektrik enerjisi kəsintisi qeydə alınıb. Hadisənin səbəbi ilə bağlı hələlik rəsmi açıqlama verilməyib. Qeyd edək ki, oxşar hadisə 24 iyul tarixində də baş vermişdi. Həmin gün saat 00:10 radələrində ölkənin enerji sistemində baş verən sistem qəzası elektrik enerjisi və telekommunikasiya şəbəkələrinin fəaliyyətində ciddi problemlər yaratmış, nəticədə Tbilisi və Gürcüstanın əksər bölgələrində elektrik enerjisinin verilişi müvəqqəti dayandırılmışdı. Həmin qəzanın da rəsmi səbəbi açıqlanmayıb. Gürcüstanın Energetika və Su Təchizatı üzrə Milli Tənzimləmə Komissiyası (SEMEK) 24 iyul tarixində baş vermiş genişmiqyaslı qəzanın səbəblərinin araşdırılmasına başlayıb.

www.24news.ge

Elektrik kəsintisi metro və dəmir yolunun fəaliyyətini iflic edib

Digər xəbərlər