Qızılhacılı kəndində baş verən intriqalar fonunda Qubernator kəndə səfər etdi (VİDEO)

14 iyul tarixində Marneuli bələdiyyəsinin Qızılhacılı kəndində baş verən insidentdən sonra kənddə sosial gərginlik müşahidə olunur. Mövcud vəziyyəti yerində qiymətləndirmək məqsədilə bu gün Kvemo Kartli bölgəsinin qubernatoru Levan Xarabadze kəndə səfər edib və yerli sakinlərlə bir neçə görüş keçirib. 24News.ge xəbər verir ki, səfər zamanı maraqlı məqam ondan ibarət olub ki, nə Marneuli meri Kənan Ömərov, nə bələdiyyə (sakrebulo) sədri Amiran Qiorgadze, nə də parlament deputatı Zaur Darğallı görüşdə iştirak etməyib. Qızılhacılı kəndində qubernatorun iştirakı ilə iki ayrı görüş təşkil olunub. İlk görüş kəndin mərasim evində keçirilib. Burada toplaşan kənd sakinləri əsasən infrastruktur problemlərindən, xüsusilə də su, kanalizasiya və yolların bərbad vəziyyətindən şikayət ediblər. Daha sonra ikinci görüş kəndin şadlıq saraylarından birində baş tutub. Bu görüşdə kənddə görülən işlər və hazırkı vəziyyətlə bağlı bələdiyyə nümayəndələri ilə müzakirələr aparılıb. Görüşdə bələdiyyə deputatı Ceyhun Çovdarov və kənd nümayəndəsi Sədrəddin Talıbov da iştirak ediblər. Mövzu ilə bağlı daha ətraflı əməkdaşlarımızın hazırladığı reportajı təqdim edirik:

www.24news.ge

Qızılhacılı kəndində baş verən intriqalar fonunda Qubernator kəndə səfər etdi (VİDEO)

Digər xəbərlər