Bolnisidə qeyri-qanuni süd emalı müəssisələri aşkar edilib (FOTO)

Qida Təhlükəsizliyi Milli Agentliyinin (AQTS) məlumatına görə, Kvemo Kartli bölgə idarəsinin inspektorları Bolnisi bələdiyyəsində keçirdikləri reyd zamanı 4 qeyri-qanuni süd emalı müəssisəsi aşkarlayıblar. 24News.ge xəbər verir ki, agentliyin açıqlamasına əsasən, sözügedən müəssisələrin heç biri İqtisadi Fəaliyyətlərin Reyestrində qeydiyyatdan keçməyib və Qida Təhlükəsizliyi Milli Agentliyindən müvafiq tanınma sənədi almadan fəaliyyət göstərib. Keçirilən reyd zamanı aşağıdakı qanunsuz fəaliyyət göstərən şəxslər müəyyən olunub və məhsulları müsadirə edilib: Ratevani kəndində fiziki şəxsə məxsus 150 litr süd müsadirə olunub və müəssisə möhürlənib. Ratevani kəndində fiziki şəxsə məxsus 530 litr süd və 100 kq sulquni pendiri müsadirə olunub. Bolnisi şəhəri, Qriqol Xandzteli küçəsində fiziki şəxsə məxsus 500 litr süd, 200 kq pendir və 100 kq sulqun, 40 litr bitki yağı və 125 kq süd tozu müsadirə olunub. Ratevani kəndində fiziki şəxsə məxsus 400 litr süd və 70 kq sulqun pendiri müsadirə olunub. Agentlik bildirir ki, aşkarlanan bütün qeyri-qanuni fəaliyyətlərlə bağlı qanunvericiliyə uyğun olaraq sahibkarlara qarşı inzibati cərimələr tətbiq edilib və müəssisələrin fəaliyyəti dayandırılıb.

www.24news.ge

Bolnisidə qeyri-qanuni süd emalı müəssisələri aşkar edilib (FOTO)

Digər xəbərlər