DTX ABŞ səfirliyinin Tbilisidə partlayış təhdidi ilə bağlı bəyanatına münasibət bildirdi

Dövlət Təhlükəsizlik Xidməti (DTX) ABŞ səfirliyinin Tbilisidə ticarət mərkəzlərində partlayış təhdidi ilə bağlı bəyanatına münasibət bildirib. 24News.ge xəbər verir ki, DTX aidiyyəti bölmələrin “növbəti saxta məlumat”la bağlı işlədiklərini bəyan edib. DTX-nın bəyanatında deyilir: “Vətəndaşların təhlükəsiziyi xidmətin (DTX-nın) başlıca prioritetidir və öz səlahiyyətləri çərçivəsində xidmət bütün zəruri və təcili tədbirləri tətbiq edir. Biz Gürcüstanda akkreditasiyadan keçmiş diplomatik nümayəndəlikləri təhlükəsizliklə bağlı məsul qurumların fəaliyyətlərinə hörmət etməyə və müvafiq qurumlarla razılaşdırılmayan bəyanatlar yaymaqdan çəkinməyə çağırırıq”. Qeyd edək ki, günün ikinci yarısında ABŞ-ın Gürcüstandakı səfirliyi Tbilisidə üç ticarət mərkəzində partlayış təhlükəsi ilə bağlı bəyanat yaymışdı.

www.24news.ge

DTX ABŞ səfirliyinin Tbilisidə partlayış təhdidi ilə bağlı bəyanatına münasibət bildirdi

Digər xəbərlər