Trampdan gözlənilməz ifadə: Rusiyanın Ukraynanı tam ələ keçirməməsi “böyük güzəştdir”

ABŞ Prezidenti Donald Tramp Rusiyanın müharibənin dayandırılması üçün güzəştlərə getməyə hazır olduğunu açıqlayıb. 24News.ge “The Hill”ə istinadən xəbər verir ki, bu barədə dövlət başçısı Norveç Baş naziri Yonas Qar Stere ilə danışıqlardan sonra jurnalistlərə bildirib. Jurnalistlər Trampdan “sülhə yaxınlaşmaq üçün Rusiyanın hazırda hansı güzəştlərə getdiyini” soruşublar. Tramp cavabında deyib: “Müharibənin dayandırılması, bütün ölkəni ələ keçirməkdən imtina – kifayət qədər böyük güzəştdir”. ABŞ Prezidenti sülhə nail olmaq üçün Ukraynanın öz ərazisinin bir hissəsindən imtina etməli olduğu mövqeyinə sadiq qalıb-qalmadığı sualına belə cavab verib: “Bu hansı ərazidən söhbət getdiyindən asılıdır. Biz əlimizdən gələni edəcəyik”. Onun fikrincə, Ukraynanın Krımı geri qaytarması çətin olacaq, çünki yarımadanın ilhaqı döyüş əməliyyatları olmadan baş verib. Xatırladaq ki, daha əvvəl “Financial Times” mənbələrə istinadən Rusiya Prezidenti Vladimir Putinin Ukraynada döyüş əməliyyatlarını hazırkı cəbhə xətti boyunca dayandırmağı təklif etdiyi barədə məlumat yaymışdı. Putin aprelin əvvəlində Sankt-Peterburqda Trampın xüsusi elçisi Stiv Uitkoff ilə görüşü zamanı həmçinin bildirib ki, Moskva Rusiyanın işğal etdiyi Ukrayna bölgələrinin Kiyevin nəzarətində qalan hissələrinə olan iddialarından imtina edə bilər. Bundan sonra, FT-nin yazdığına görə, ABŞ Krımın Rusiyaya məxsus olduğunun, həmçinin Moskvanın işğal etdiyi dörd bölgənin bir hissəsi üzərində faktiki nəzarətinin tanınmasını əhatə edən mümkün nizamlama ideyalarını irəli sürüb.

www.24news.ge

Trampdan gözlənilməz ifadə: Rusiyanın Ukraynanı tam ələ keçirməməsi “böyük güzəştdir”

Digər xəbərlər