Yanacaq aksizindən dövlət büdcəsinə daxil olan məbləğ 17 milyon lari artıb

2024-cü ilin yanvar-mart aylarında yanacaq aksizindən büdcəyə 140 milyon 195 min 636 lari daxil edilib ki, bu da əvvəlki ilin müvafiq dövrü ilə müqayisədə 17,7 milyon lari çoxdur. 24News.ge xəbər verir ki, bu barədə Maliyyə Nazirliyinin hesabatında qeyd olunub. Bildirilir ki, 2023-cü ilin birinci rübündə Xəzinədarlığa 122 452 375 lari yanacaq aksiz gəliri daxil olub. Nəticədə aksizdən alınan məbləğ 14,5% artıb. Bu ilin hesabatına əsasən, benzinin aksizindən daxil olan gəlir 79 603 215 lari, 2023-cü ildə isə 63 591 509 lari təşkil edib. Dizel yanacağı aksizindən gəlir 60 541 456 lari, 2023-cü ildə isə 58 833 512 lari qeydə alınıb. Xatırladırıq ki, Gürcüstanda yanacağın aksiz vergisi 2017-ci ildən bəri iki dəfə artırılaraq bir ton üçün 250 laridən 500 lariyə yüksəlib.

www.24news.ge

Yanacaq aksizindən dövlət büdcəsinə daxil olan məbləğ 17 milyon lari artıb

Digər xəbərlər