Gürcüstan Müsəlmanları İdarəsinə yeni seçiləcək şeyxlik postuna namizədlər məlum olub

İki gün öncə, Gürcüstan Müsəlmanları İdarəsinin hazırki şeyxi Hacı Ramin İgidov dekabr ayında vəzifəsindən gedəcəyini elan etdikdən sonra sözügedən vəzifəyə təqdim olunan yeni namizədlərin adları məlum olub. 24News.ge xəbər portalına daxil olan məlumata görə, bir ay sonra baş tutacaq şeyx seçkilərində Alulbeytin Gürcüstan üzrə rəhbəri Hacı Faiq Nəbiyev, tanınmış din xadimi Hacı Qurban Murquzov və İdarənin əməkdaşı Kərbəlayi Vidadi Qurbanov namizəddirlər. Xəbər portalımıza müsahibə verən hər üç din xadimi, şeyx seçkilərinə namizədliklərini təqdim etdiklərini təstiq ediblər. Qeyd edək ki, sözügedən din xadimlərinin namizədliyi GMİ-nin Ali Dini Şurasına təklif olunub, şura təklif olunan namizədləri dəyərləndirdikdən sonra səsə qoyulacaq. Onu da bildirək ki, təklif olunan namizədlərin sayı arta və ya azala bilər. Məlumat üçün bildirək ki, noyabrın 8-də ümumi ruhanilər iclası keçiriləcək, dekabr ayında isə 21 nəfərdən ibarət GMİ-nin Ali Dini Şurası yeni şeyxi seçəcək.

www.24news.ge

Gürcüstan Müsəlmanları İdarəsinə yeni seçiləcək şeyxlik postuna namizədlər məlum olub

Digər xəbərlər