Təyyarədə sərnişinlərin pulunu oğurlayan 2 Çin vətəndaşı saxlanılıb (VİDEO)

Hüquq-mühafizə orqanları oğurluq ittihamı ilə Çin Xalq Respublikasının iki vətəndaşını saxlayıb. 24News.ge xəbər verir ki, Daxili İşlər Nazirliyinin məlumatına görə, təqsirləndirilən şəxslər aviareyslərdən birində uçuş zamanı təyyarənin göyərtəsində olan iki sərnişinə məxsus 7 800 ABŞ dolları və 4 450 avronu qanunsuz olaraq ələ keçiriblər. Nazirliyin məlumatında bildirilir ki, Tbilisi Polis Departamentinin İsani-Samqori Baş İdarəsinin əməkdaşları şübhəli şəxsləri oğurluq ittihamı ilə saxlayıblar. İstintaqla müəyyən edilib ki, onlar aviareyslərdən birində uçuş zamanı iki sərnişinin pulunu oğurlayıblar. Hüquq-mühafizə orqanlarının keçirdiyi operativ tədbirlər və istintaq hərəkətləri nəticəsində cinayəti törətməkdə şübhəli bilinən şəxslərin kimliyi qısa müddətdə müəyyən edilib və onlar hava limanının ərazisində saxlanılıblar. Oğurlanmış pul maddi sübut qismində götürülüb. Faktla bağlı Cinayət Məcəlləsinin 177-ci maddəsinin 4-cü hissəsi ilə istintaq aparılır. Sözügedən maddə 10 ilədək azadlıqdan məhrumetmə cəzasını nəzərdə tutur.

www.24news.ge

Təyyarədə sərnişinlərin pulunu oğurlayan 2 Çin vətəndaşı saxlanılıb (VİDEO)

Digər xəbərlər