Gürcüstanda azərbaycanlılar yaşayan bölgədə təbii artım qeydə alınıb

Ötən il ölkə ərazisində ölənlərin sayı yeni doğulanların sayından 6799 nəfər çox olub ki, bu da mənfi təbii artımın göstəricisidir. 24News.ge xəbər verir ki, bu barədə Milli Statistika Xidməti məlumat yayıb. Hesabat dövründə Gürcüstanda azərbaycanlıların kompakt yaşadığı Kvemo Kartli bölgəsində isə müsbət təbii artım qeydə alınıb. Ötən il Kvemo Kartlidə yeni doğulanların sayı 5 074 nəfər, ölənlərin sayı isə 4 528 nəfər təşkil edib. Statistikaya əsasən 2022-ci ildə Gürcüstada körpə ölüm nisbəti hər 1000 nəfərə 7,6 nəfər, 5 yaş altı ölüm nisbəti isə hər min nəfərə 9,2 nəfər təşkil edib. Qeyd edək ki, XX əsrin 90-cı illərindən etibarən Gürcüstanda təbii artım qənaətbəxş hesab edilmir. Əhalinin azalmasına xüsusi olaraq miqrasiya prosesi təsir göstərir. 1989-cu ildə aparılan əhalinin siyahıyaalınması zamanı ölkədə 5 400 841 nəfərin yaşadığı məlum olub. 2002-ci ildə bu göstərici 4 371 535 nəfərə, 2014-cü ildə isə 3 787 000 nəfərə düşüb. Gürcüstanda əhalinin növbəti siyahıyaalınmasının 2024-cü ildə keçirilməsi planlaşdırılır.

www.24news.ge

Gürcüstanda azərbaycanlılar yaşayan bölgədə təbii artım qeydə alınıb

Digər xəbərlər