Baş nazir parlamentdə müxalifəti tənqid edib: "İkiüzlülüyünüzə və milli maraqlara xəyanətinizə kim inanacaq"

"Sizə kim səs verəcək, xalq sizin etdiklərinizi görmür? Daha sonra da niyə 1-2% səs topladıqlarına təccüblənirlər". 24News.ge xəbər verir ki, bu sözləri baş nazir İrakli Qaribaşvili parlamentdə hesabatı zamanı müxalif deputatlara verdiyi cavabında bildirib. Onun sözlərinə görə, müxalifət bir neçə gün əvvəl ölkədə səfərdə olan Avropa komissarı Oliver Varhelyə qarşı hörmətsizlik edib: “Avropa komissar Oliver Varhely gələn zaman davranışınız və reaksiyanız heyrətamiz idi. O, ölkəmizin və gürcü xalqının əsl dostudur. Brüsseldən bir adam buraya konkret mesajla gəlmişdi. Hər kəsə xatırlatım ki, Avropa komissarı sadəcə Avropa Parlamentinin deputatı və ya sıradan bir bürokrat deyil, o, yüksək səviyyəli məmurlardan biridir. Biz bütün dağıdıcı müxalifətin radikal formada və ifadələrlə Avropa komissarını hücuma məruz qoyduğunu, bu insanı bir necə təhqir etdiyini görmüş olduq. Cəmiyyətə bundan artıq daha hansı dəlil lazımdır? Bu adamlar ölkənin uğurundan həzz almırlar. Siz adətən qəzəblisiniz və paxıllıqla dolusunuz. Belə davranış qorxuludur! Sizə kim səs verəcək, xalq sizin etdiklərinizi görmür? Daha sonra da niyə 1-2% səs topladıqlarına təəccüblənirlər. Sizin ikiüzlülüyünüzə, düşmənçiliyinizi, milli maraqlara xəyanətinizi hamı görür. Sizə kim inanacaq, kim sizə dəstək olacaq. Bunlara cavabı xalq verəcək”, – deyə Qaribaşvili vurğulayıb.

www.24news.ge

Baş nazir parlamentdə müxalifəti tənqid edib: "İkiüzlülüyünüzə və milli maraqlara xəyanətinizə kim inanacaq"

Digər xəbərlər