Tramp: “Putin və Zelenski müharibədən yorulublar, lakin bir-birlərinə nifrət edirlər”

ABŞ Prezidenti Donald Tramp Rusiya Prezidenti Vladimir Putinlə “əla söhbət” etdiyini və onun Ukrayna müharibəsinin başa çatdırılması üçün razılaşma əldə etmək istədiyini bildirib. 24News.ge xəbər verir ki, Tramp jurnalistlərə açıqlamasında Putinlə telefon danışığının müsbət keçdiyini deyib. “Əla söhbətimiz oldu. O, razılaşma əldə etmək istəyir. Əgər Zelenski də razılaşma əldə etmək istəyirsə, bu, çox yaxşı olardı”, – deyə Tramp bildirib. Jurnalistlər Trampdan belə olduğu halda razılaşmaya maneənin nədən ibarət olduğunu soruşublar. ABŞ prezidenti isə bunun əsas səbəbinin Putin və Ukrayna Prezidenti Volodimir Zelenski arasındakı münasibətlər olduğunu söyləyib. “Maneə ondadır ki, bu iki insan hər şeydən çox bir-birinə nifrət edir”, – deyə Tramp qeyd edib. Tramp əlavə edib ki, bütün həyatı boyu insanlarla danışıb və razılaşmaların necə əldə edildiyini bilir. Onun sözlərinə görə, Putin və Zelenski müharibədən yorulublar. Üçtərəfli – ABŞ, Rusiya və Ukrayna liderlərinin görüşünün təşkilinin mümkün olub-olmadığı barədə suala cavabında Tramp bunun baş verə biləcəyini deyib. Trampın açıqlamaları ABŞ-ın xüsusi nümayəndəsi Stiv Uitkoff və prezidentin kürəkəni Cared Kuşnerin Moskva və Kiyevə son səfərlərindən sonra baş verib. Hər iki nümayəndə Ukraynadakı müharibənin dayandırılması ilə bağlı mümkün razılaşmaları müzakirə edib.

www.24news.ge

Tramp: “Putin və Zelenski müharibədən yorulublar, lakin bir-birlərinə nifrət edirlər”

Digər xəbərlər