Tbilisidə yeniyetmələr arasında baş verən insident ölümlə nəticələnib

Tbilisidə mübahisə zəminində yeniyetmə qətlə yetirilib. Hadisə ilə bağlı digər bir yeniyetmə saxlanılıb. 24News.ge xəbər verir ki, bu barədə Daxili İşlər Nazirliyi məlumat yayıb. Nazirliyin məlumatına görə, saxlanılan şəxs qəsdən adam öldürmə ittihamı ilə məsuliyyətə cəlb olunub. İstintaqın məlumatına əsasən, hadisə sentyabrın 10-da Tbilisidə baş verib. Təqsirləndirilən yeniyetmə mübahisə zəminində digər yeniyetməyə soyuq silahla bir neçə bıçaq zərbəsi endirib və hadisə yerindən qaçıb. Aldığı xəsarətlər nəticəsində yeniyetmə hadisə yerindəcə həyatını itirib. Hüquq-mühafizə orqanlarının keçirdiyi əməliyyat-axtarış və istintaq tədbirləri nəticəsində şübhəli şəxs isti izlərlə saxlanılıb. Faktla bağlı Cinayət Məcəlləsinin 108-ci maddəsi ilə araşdırma aparılır. Sözügedən maddə qəsdən adam öldürmə əməli üçün 15 ilədək azadlıqdan məhrumetmə cəzasını nəzərdə tutur.

www.24news.ge

Tbilisidə yeniyetmələr arasında baş verən insident ölümlə nəticələnib

Digər xəbərlər