Türkiyənin daxili işlər naziri Tbilisi Cümə Məscidini ziyarət edib (FOTO)

Türkiyənin daxili işlər naziri Mustafa Çiftçi Gürcüstana rəsmi səfəri çərçivəsində Tbilisidə yerləşən Mərkəzi Cümə Məscidini ziyarət edib. 24News.ge xəbər verir ki, nazir məscidi Gürcüstanın daxili işlər naziri Sulxan Tamazaşvili ilə birlikdə ziyarət edib. Qonaqları məsciddə Bütün Gürcüstan Müsəlmanları İdarəsinin nümayəndələri qarşılayıblar. Ziyarət zamanı Mustafa Çiftçi və Sulxan Tamazaşvili məscidin tarixi ilə tanış olub, burada qorunub saxlanılan tarixi və dini nümunələr barədə məlumat alıblar. Görüş zamanı, həmçinin Gürcüstanda yaşayan müsəlman icmasının vəziyyəti, onların dini və ictimai həyatda iştirakı, eləcə də icmanın qarşılaşdığı məsələlər barədə qonaqlara ətraflı məlumat verilib. Səfər çərçivəsində tərəflər arasında qarşılıqlı əlaqələrin, o cümlədən dini icmalarla bağlı məsələlər üzrə əməkdaşlığın əhəmiyyəti vurğulanıb.

www.24news.ge

Türkiyənin daxili işlər naziri Tbilisi Cümə Məscidini ziyarət edib (FOTO)

Digər xəbərlər