Xalq müdafiəçisi İrakli Qaribaşvili ilə görüşəcək

Gürcüstanın xalq müdafiəçisi Levan İoseliani həbsdə olan keçmiş Baş nazir İrakli Qaribaşvili ilə görüşəcək. 24News.ge xəbər verir ki, xalq müdafiəçisinin bu gün cəzaçəkmə müəssisəsinə gedəcəyi planlaşdırılır. Levan İoseliani İrakli Qaribaşvili ilə görüşdən sonra media qarşısında açıqlama verəcək. Qeyd edək ki, İrakli Qaribaşvilinin vəkili Lili Gelaşvili bir neçə gün əvvəl xalq müdafiəçisini keçmiş Baş nazirin yanına getməyə çağırıb. Vəkilin sözlərinə görə, Qaribaşvilinin hüquqları pozulur və bu məsələ xalq müdafiəçisi tərəfindən araşdırılmalıdır. “Avqustun 26-na uzunmüddətli görüş təyin edilmişdi. O, üç aydır görmədiyi övladları ilə görüşməli idi. Lakin bu görüş ləğv edildi. Təyin olunmuş görüşün ləğv edilməsinin yalan olduğunu necə demək olar? Bunu yoxlamaq çətin deyil”, – deyə vəkil bildirib.

www.24news.ge

Xalq müdafiəçisi İrakli Qaribaşvili ilə görüşəcək

Digər xəbərlər