Tbilisidə Aleksandre Çavçavadze küçəsi tamamilə yenilənəcək

Tbilisidə Aleksandre Çavçavadze küçəsinin reabilitasiyası həyata keçiriləcək. 24News.ge xəbər verir ki, bu barədə Tbilisi meri Kaxa Kaladze bələdiyyə hökumətinin bugünkü iclasında məlumat verib. Onun sözlərinə görə, layihə çərçivəsində 321 metr uzunluğunda küçədə yol və piyada infrastrukturu tamamilə yenilənəcək. Ümumilikdə işlər 30 405 kvadratmetr ərazini əhatə edəcək. Reabilitasiya zamanı mövcud daş döşəmə üçqat asfalt örtüyü ilə əvəzlənəcək, bordürlər, səkilər, yol dirəkləri və məhəccərlər quraşdırılacaq. İnfrastruktur imkanları məhdud şəxslər üçün mümkün qədər uyğunlaşdırılacaq. Layihə çərçivəsində köhnəlmiş yeraltı kommunikasiyalar da tamamilə dəyişdiriləcək. Qaz xətləri yenilənəcək, elektrik və internet kabelləri yeraltına keçiriləcək, LED işıqları olan yeni işıqlandırma dirəkləri quraşdırılacaq. Kommunikasiya işlərinə “Georgian Water and Power” şirkəti də cəlb olunacaq. Küçə boyunca yaşıllıqların salınması və drenaj sistemlərinin yenilənməsi də nəzərdə tutulub. Kaxa Kaladze bildirib ki, layihənin əsas məqsədlərindən biri küçənin yeraltı infrastrukturunun tam qaydaya salınmasıdır. Tbilisi meri həmçinin Vake rayonunda Avto Varazi və Aqaraqi küçələrində həyata keçiriləcək layihə barədə məlumat verib. Layihə çərçivəsində təxminən 2 000 kvadratmetr ərazidə yol infrastrukturu yenilənəcək, səkilər salınacaq və asfalt örtüyü çəkiləcək. Həmçinin ərazidə avtobus və mikroavtobus dayanacaqları, eləcə də yeni işıqlandırma sisteminin yaradılması nəzərdə tutulur. Layihənin Vake Rayon İcra Hakimiyyəti tərəfindən həyata keçiriləcəyi və yaxın zamanda başa çatdırılacağı bildirilib.

www.24news.ge

Tbilisidə Aleksandre Çavçavadze küçəsi tamamilə yenilənəcək

Digər xəbərlər