სოფელ ხახალაჯვარში სიმბოლური საფეხბურთო მატჩით ადგილობრივ ხელისუფლებას მიმართეს

ბოლნისის მუნიციპალიტეტის სოფელ ხახალაჯვარში მცხოვრებლებმა ადგილობრივ ხელისუფლებას მიმართეს და დასახლებაში საფეხბურთო მოედნისა და დასასვენებელი პარკის მშენებლობა მოითხოვეს. 24News.ge-ის ინფორმაციით, ინიციატივაზე ყურადღების გასამახვილებლად სოფელში ბავშვებს შორის სიმბოლური საფეხბურთო მატჩი გაიმართა. ღონისძიების დროს ადგილობრივებმა ხელმოწერები შეაგროვეს და მიმართვა შესაბამის უწყებებს წარუდგინეს. სოფლის მცხოვრებლების თქმით, სოფელში ბავშვებისა და ახალგაზრდებისთვის თავისუფალი დროის ნაყოფიერად გასატარებლად არ არსებობს საფეხბურთო მოედანი, პარკი და სხვა დასასვენებელი ინფრასტრუქტურა. ადგილობრივები იმედოვნებენ, რომ მათ მიერ წამოჭრილი საკითხი მოკლე დროში დადებითად გადაწყდება და აცხადებენ, რომ პროცესის მიმდინარეობას ყურადღებით დააკვირდებიან.

www.24news.ge

სოფელ ხახალაჯვარში სიმბოლური საფეხბურთო მატჩით ადგილობრივ ხელისუფლებას მიმართეს

სხვა სიახლეები