Telavidə sürücülük üzrə praktiki imtahanlar təxirə salınıb

Telavidə baş vermiş təbii fəlakət və infrastrukturun zədələnməsi səbəbindən 13 iyul tarixində şəhərdə keçiriləcək sürücülük vəsiqəsi üzrə praktiki imtahanlar baş tutmayacaq. 24News.ge xəbər verir ki, bu barədə Daxili İşlər Nazirliyinin Xidmət Agentliyi məlumat yayıb. Məlumata görə, praktiki imtahanın həm birinci mərhələsi (meydança), həm də ikinci mərhələsi (şəhər) ləğv edilib. Bildirilib ki, Xidmət Agentliyinin əməkdaşları sürücülük vəsiqəsi almaq üçün imtahana yazılan namizədlərlə fərdi qaydada əlaqə saxlayacaq və onlarla yeni imtahan tarixini razılaşdıracaqlar. Agentlik qeyd edib ki, praktiki imtahanların bərpa olunacağı tarix və digər xidmətlərlə bağlı əlavə məlumat ictimaiyyətə daha sonra təqdim ediləcək.

www.24news.ge

Telavidə sürücülük üzrə praktiki imtahanlar təxirə salınıb

Digər xəbərlər