Güclü yağış Telavidə daşqına səbəb olub – küçələr və yaşayış binaları su altında qalıb (VIDEO)

Telavi şəhərində yağan güclü yağışlar nəticəsində Telavi çayı məcrasından çıxaraq daşqına səbəb olub. 24News.ge xəbər verir ki, daşqın nəticəsində Kavkasioni və Alazani prospektlərinin bir hissəsi su altında qalıb. Güclü yağış çayın məcrasını dağıdıb və su şəhər küçələrinə axmağa başlayıb. Hadisə nəticəsində çoxmənzilli yaşayış binalarının birinci mərtəbələri, kommersiya obyektləri, apteklər və mağazalar su altında qalıb. Bundan başqa, bir neçə avtomobilə ziyan dəyib, elektrik ötürücü xətlər də zədələnib. Hazırda hadisə yerinə polis, xilasedicilər və yerli hakimiyyət nümayəndələri cəlb olunub. Daşqının fəsadlarının aradan qaldırılması istiqamətində işlər davam etdirilir.

www.24news.ge

Güclü yağış Telavidə daşqına səbəb olub – küçələr və yaşayış binaları su altında qalıb (VIDEO)

Digər xəbərlər