İki ağır yol qəzası: 3 nəfər ölüb, 3 nəfər yaralanıb

Bu gün baş verən iki ayrı ağır yol-nəqliyyat hadisəsi nəticəsində ümumilikdə 3 nəfər həyatını itirib, daha 3 nəfər isə müxtəlif dərəcəli bədən xəsarətləri alıb. 24News.ge xəbər verir ki, ilk qəza Laqodexi bələdiyyəsində qeydə alınıb. Məlumata görə, avtomobillə hərəkətdə olan 25 yaşlı sürücü idarəetməni itirərək yük mikroavtobusu ilə toqquşub. Qəza nəticəsində gənc sürücü aldığı ağır xəsarətlərdən hadisə yerində ölüb. Avtomobildə olan digər şəxs isə ağır yaralanaraq təcili tibbi yardım briqadası tərəfindən xəstəxanaya çatdırılıb. Digər ağır yol qəzası isə Rikoti aşırımında baş verib. Məlumata əsasən, yüksək sürətlə hərəkət edən avtomobil beton maneəyə çırpılıb. Hadisə nəticəsində 2 nəfər ölüb, daha 2 nəfər isə xəsarət alıb. Hadisə şahidlərinin sözlərinə görə, qəza yerinə təcili tibbi yardım briqadaları və polis əməkdaşları cəlb olunub. Hər iki faktla bağlı Cinayət Məcəlləsinin 276-cı maddəsi ilə istintaq aparılır. Həmin maddə nəqliyyat vasitələrinin hərəkət təhlükəsizliyi və istismarı qaydalarının pozulmasını nəzərdə tutur.

www.24news.ge

İki ağır yol qəzası: 3 nəfər ölüb, 3 nəfər yaralanıb

Digər xəbərlər