Qanunsuz silahlar aşkarlandı – üç nəfər saxlanılıb (VİDEO)

Sameqrelo bölgəsində polis tərəfindən keçirilən əməliyyat-axtarış tədbirləri nəticəsində qanunsuz odlu silah və döyüş sursatları aşkarlanıb. 24News.ge xəbər verir ki, Daxili İşlər Nazirliyinin məlumatına görə, silah və sursatların qanunsuz əldə edilməsi, saxlanılması və daşınması ittihamı ilə üç nəfər saxlanılıb. Saxlanılan şəxslərdən ikisinin əvvəllər məhkum olunduğu bildirilir. Hüquq-mühafizə orqanları tərəfindən saxlanılanların üzərində və yaşayış ünvanlarında aparılan axtarış zamanı maddi sübut kimi 2 tapança, 6 daraq və 236 ədəd patron götürülüb. Faktla bağlı araşdırma Cinayət Məcəlləsinin 236-cı maddəsinin 3-cü və 4-cü hissələri üzrə aparılır. Qeyd olunan maddə 7 ilədək azadlıqdan məhrumetmə cəzasını nəzərdə tutur.

www.24news.ge

Qanunsuz silahlar aşkarlandı – üç nəfər saxlanılıb (VİDEO)

Digər xəbərlər