Qoridə polis əməkdaşlarının səlahiyyət həddini aşması faktı ilə bağlı 6 nəfər saxlanılıb

Qori şəhərində polis əməkdaşları tərəfindən xidməti səlahiyyətlərin zorakılıqla aşılması faktı üzrə 6 nəfər saxlanılıb. 24News.ge xəbər verir ki, bu barədə Baş Prokurorluq məlumat yayıb. Məlumata görə, Şida Kartli və Msxeta-Mtianeti Dairə Prokurorluğunun İstintaq İdarəsi tərəfindən Daxili İşlər Nazirliyinin Baş Müfəttişliyi ilə koordinasiyalı şəkildə aparılan araşdırma zamanı müəyyən edilib ki, 27 may 2026-cı ildə Qori şəhərində təqsirləndirilən şəxslər zərərçəkmişin saxlanılması zamanı xidməti səlahiyyətlərini zor tətbiq etməklə aşıblar. İddialara əsasən, tətbiq olunan zorakılıq nəticəsində zərərçəkmiş şəxsin hüquqları ciddi şəkildə pozulub, eyni zamanda onun sağlamlığına zərər dəyib. Qısa müddətdə aparılan istintaq nəticəsində toplanmış sübutlar əsasında şübhəli şəxslər mayın 28-də saxlanılıb. Onlara Cinayət Məcəlləsinin 333-cü maddəsinin 3-cü hissəsinin “b” bəndi ilə — zor tətbiq etməklə törədilmiş vəzifə səlahiyyətlərini aşma ittihamı irəli sürüləcək. Həmin maddə 5 ildən 8 ilədək azadlıqdan məhrumetmə cəzasını nəzərdə tutur. Prokurorluq yüksək ictimai marağı nəzərə alaraq istintaqın gedişi barədə ictimaiyyətə mütəmadi məlumat veriləcəyini bildirib.

www.24news.ge

Qoridə polis əməkdaşlarının səlahiyyət həddini aşması faktı ilə bağlı 6 nəfər saxlanılıb

Digər xəbərlər