"Tehrandakı aksiya ABŞ siyasətçilərinə xəbərdarlıq idi" - Ayətullah Əli Xamenei

İranın ali dini rəhbəri Ayətullah Əli Xamenei Tehranda keçirilən kütləvi aksiyanı ABŞ siyasətçilərinə yönəlmiş xəbərdarlıq kimi qiymətləndirib. 24News.ge xəbər verir ki, o, bununla bağlı sosial şəbəkə hesabında paylaşım edib. Əli Xamenei bildirib ki, baş verənlər tarixi əhəmiyyət daşıyır. Onun sözlərinə görə, qətiyyətlə keçirilən bu genişmiqyaslı nümayişlər yerli muzdlu qüvvələr vasitəsilə reallaşdırılması planlaşdırılan xarici düşmənlərin niyyətlərini puça çıxarıb. “İran xalqı düşmənlər qarşısında öz möhkəmliyini və kimliyini nümayiş etdirdi. Bu, amerikalı siyasətçilər üçün yalanlara və hiyləgər hərəkətlərə son qoymaları barədə açıq mesaj idi”, – deyə Xamenei qeyd edib. Qeyd edək ki, 12 yanvar tarixində Tehranda da daxil olmaqla, İranın bir sıra şəhərlərində yüz minlərlə insanın iştirakı ilə hökuməti dəstəkləyən kütləvi nümayişlər keçirilib.

www.24news.ge

"Tehrandakı aksiya ABŞ siyasətçilərinə xəbərdarlıq idi" - Ayətullah Əli Xamenei

Digər xəbərlər