Ermənistanda aksiya iştirakçısının çantasına narkotik vasitə atmaqda ittiham olunan baş arxiyepiskop saxlanılıb

Ermənistan Kilsəsinin baş arxiyepiskopu Arşak Xaçatryan narkotiklərlə bağlı ittihamlar üzrə həbs edilib və iki aylıq ilkin həbs qətimkan tədbiri seçilib. 24News.ge xəbər verir ki, bu barədə yerli media məlumat yayıb. Məlumata görə, baş arxiyepiskop Arşak Xaçatryana Ermənistan Cinayət Məcəlləsinin 393-cü maddəsinin 2-ci hissəsinin 1-ci və 4-cü bəndləri ilə ittiham irəli sürülüb. Həmin maddələr qabaqcadan əlbir olan qrup tərəfindən ictimai yerdə narkotik vasitələrin qanunsuz dövriyyəsini nəzərdə tutur. İttihama əsasən, Arşak Xaçatryan 2018-ci ildə Eçmiədzin kilsəsinin katolikosu II Qaragenə qarşı keçirilən aksiyanın iştirakçısının çantasına narkotik vasitə yerləşdirməkdə günahlandırılır. Bu addımın həmin aksiya iştirakçısına qarşı cinayət işi açmaq məqsədi ilə edildiyi ehtimal olunur. Baş arxiyepiskopun vəkilinin məlumatına görə, Arşak Xaçatryan irəli sürülən ittihamları qəbul etmir.

www.24news.ge

Ermənistanda aksiya iştirakçısının çantasına narkotik vasitə atmaqda ittiham olunan baş arxiyepiskop saxlanılıb

Digər xəbərlər