Putin: “Rusiya Avropa ilə müharibə etmək niyyətində deyil, amma Avropa başlamaq istəsə, biz buna hazırıq”

"Rusiya Avropa ilə müharibə etmək fikrində deyil, lakin Avropa belə bir qarşıdurma başlatmaq istəsə, Moskva buna hazırdır". 24News.ge xəbər verir ki, bunu Rusiya Prezidenti Vladimir Putin İnvestisiya Forumundakı çıxışından sonra jurnalistlərə bildirib. “Biz Avropa ilə müharibə etmək niyyətində deyilik. Bunu artıq yüz dəfə demişəm. Ancaq əgər Avropa qəfil bizimlə müharibə başlatmaq istəsə, biz buna dərhal hazırıq. Əgər Avropa birdən-birə bizimlə müharibəyə başlasa, bu Ukrayna deyil. Ukrayna ilə biz cərrahi dəqiqliklə əməliyyat aparırıq — bu, sözün müasir mənasında real müharibə deyil. Amma Avropa bizimlə müharibəyə başlasa, elə vəziyyət yarana bilər ki, danışıqlar aparmağa heç kim qalmasın”, — deyə Putin vurğulayıb. Putinin sözlərinə görə, ABŞ Prezidenti Donald Trampın sülh planına Avropa tərəfindən təklif edilən dəyişikliklərin hamısı sülh prosesinin bloklanmasına yönəlib: “Avropalılar guya danışıqlardan kənarlaşdırıldıqlarına görə incikdirlər, halbuki heç kim onları kənarlaşdırmayıb — özləri uzaqlaşdılar. Bir müddət onlarla sıx əlaqəmiz var idi, sonra bu əlaqəni sərt şəkildə kəsdilər. Bu, onların təşəbbüsü idi. Niyə belə etdilər? Çünki onlar Rusiya-nın strateji məğlubiyyəti tezisini özlərinə istiqamət seçdilər və görünür, bu günə qədər bu illüziyada yaşayırlar. Başa düşsələr ki, bu artıq keçmişdə qalıb və mümkün deyil, onu arzuolunan reallıq kimi qəbul ediblər, amma özlərinə etiraf etmirlər. Özləri bu prosesdən çıxdılar. Bununla yanaşı, indiki nəticələrin də xoşlarına gəlmədiyini görərək ABŞ administrasiyasının və Prezident Trampın danışıqlar yolu ilə sülhə nail olmaq cəhdlərinə mane olmağa başladılar. Sülh danışıqlarından imtina edən özləri oldular və indi Trampa da mane olurlar. Onların sülh gündəliyi yoxdur — onlar müharibə tərəfdarıdırlar. Trampın təklifinə dəyişikliklər etməyə çalışarkən də biz aydın görürük ki, həmin dəyişikliklər yalnız sülh prosesini tamamilə bloklamağa yönəlib. Məqsəd odur ki, Rusiya üçün tamamilə qəbuledilməz tələblər irəli sürsünlər və sonra sülh prosesinin pozulmasında Rusiyanı günahlandırsınlar. Biz bunu çox aydın görürük”, — deyə Putin bildirib.

www.24news.ge

Putin: “Rusiya Avropa ilə müharibə etmək niyyətində deyil, amma Avropa başlamaq istəsə, biz buna hazırıq”

Digər xəbərlər