Avropa Komissiyası dekabrda viza dayandırma mexanizmi ilə bağlı hesabat yayımlayacaq

Avropa Komissiyası dekabr ayında, Gürcüstan da daxil olmaqla, viza dayandırma mexanizmi ilə bağlı illik hesabatını yayımlayacaq. 24News.ge xəbər verir ki, bu barədə Avropa İttifaqının Gürcüstandakı səfiri Pavel Hercinski viza liberalizasiyasının mümkün dayandırılması ilə bağlı sualına cavab verərkən bildirib. O qeyd edib ki, məsələ vizasız rejimin dayandırılması üzrə yenilənmiş mexanizm əsasında müzakirə olunacaq və mexanizm barədə razılaşmanın ayın sonuna qədər əldə olunması gözlənilir. Hesabat dərc edildikdən sonra isə Avropa İttifaqının üzv ölkələri Gürcüstanda fundamental hüquqlarla bağlı vəziyyəti nəzərə alaraq qərar verəcəklər. Səfir eyni zamanda üzv ölkələrin mümkün qərarı ilə bağlı spekulyasiya etmək istəmədiyini bildirib.

www.24news.ge

Avropa Komissiyası dekabrda viza dayandırma mexanizmi ilə bağlı hesabat yayımlayacaq

Digər xəbərlər