Baş nazir Kvemo Kartli bölgəsinə yeni qubernator təyin edib və tapşırıqlar verib

Baş nazir İrakli Kobaxidze İliya Calaganiyanı Kvemo Kartli bölgəsi üzrə yeni dövlət qubernatoru təyin edib. 24News.ge xəbər verir ki, bu barədə məlumatı Hökumət Administrasiyası yayıb. Bildirilir ki, hökumət başçısı İliya Calaganiyaya fəaliyyətində uğurlar arzulayıb və dövlət qubernatorunun regionda həyata keçirilən və planlaşdırılan layihələrin effektiv icrasında mühüm rol oynadığını vurğulayıb. İrakli Kobaxidze qeyd edib ki, layihələrin keyfiyyətli və vaxtında icrası ilə yanaşı, əhalinin ehtiyaclarına və mövcud problemlərə operativ reaksiya verilməsi prioritet məsələdir. Onun sözlərinə görə, dövlət qubernatoru bu istiqamətə xüsusi diqqət yetirməlidir. Görüşdə Gürcüstanın Regional İnkişaf naziri Kaxa Guledani də iştirak edib. Qeyd edək ki, İliya Calaganiya ixtisasca hüquqşünasdır. O, indiyədək Kvemo Kartli bölgəsində dövlət qubernatorunun səlahiyyətlərini icra edən və birinci müavin vəzifəsində çalışıb. Calaganiya dövlət strukturlarında, o cümlədən hüquq-mühafizə orqanlarında uzunillik iş təcrübəsinə malikdir. O, müxtəlif regionlarda dairə prokuroru kimi fəaliyyət göstərib və hüquqi, həmçinin istintaq sahəsində geniş təcrübəyə sahibdir.

www.24news.ge

Baş nazir Kvemo Kartli bölgəsinə yeni qubernator təyin edib və tapşırıqlar verib

Digər xəbərlər