Tbilisidə taksi sürücüsünə hücum edən 5 azyaşlı saxlanılıb

Tbilisi Polis İdarəsinin Yetkinlik Yaşına Çatmayanların İşləri üzrə Baş İdarəsinin əməkdaşları tərəfindən həyata keçirilən əməliyyat-axtarış tədbirləri və istintaq hərəkətləri nəticəsində 5 yetkinlik yaşına çatmayan şəxs quldurluq ittihamı ilə saxlanılıb. 24News.ge xəbər verir ki, bu barədə Daxili İşlər Nazirliyi məlumat yayıb. Nazirliyin məlumatına əsasən, saxlanılanlar 2008, 2007, 2008, 2009 və 2008-ci il təvəllüdlü şəxslərdir İstintaq zamanı müəyyən edilib ki, saxlanılan yetkinlik yaşına çatmayanlar soyuq silahla silahlanaraq, qrup halında Tbilisidə xarici ölkə vətəndaşı olan taksi sürücüsünə hücum ediblər. Onlar fiziki zorakılıq və həyatla hədələmə yolu ilə sürücünün pulunu ələ keçirərək hadisə yerindən qaçıblar. Yaralanmış sürücü xəstəxanaya çatdırılıb və ona tibbi yardım göstərilib. Faktla bağlı araşdırma Cinayət Məcəlləsinin 179-cu maddəsi – "Quldurluq" üzrə aparılır. Həmin maddə ilə 9 ilədək azadlıqdan məhrumetmə cəzası nəzərdə tutulur.

www.24news.ge

Tbilisidə taksi sürücüsünə hücum edən 5 azyaşlı saxlanılıb

Digər xəbərlər