Merliyə namizəd Əli Bədirov seçki proqramını ictimaiyyətə təqdim edib

"Bizim Vahid Gürcüstan" Partiyasının Marneuli merliyinə namizədi Əli Bədirov seçki proqramını ictimaiyyətə təqdim edib. Bu barədə 24News.ge xəbər portalına partiyadan məlumat verilib. Merliyə namizəd Əli Bədirovun seçki proqramını olduğu kimi sizə təqdim edirik. 1. Yol və nəqliyyat infrastrukturu: Kənd və şəhər yollarının əsaslı təmiri və yenidənqurulması; Qış və yay aylarında keçilməz hala gələn kənd yollarının təmiri; Yağış sularının yollara zərər verməməsi üçün drenaj sistemlərinin qurulması; Şəhərdaxili yolların asfaltlanması və piyada yollarının artırılması; Rayon mərkəzində pik saatlarda tıxacların aradan qaldırılması üçün bir tərəfli yol sxemləri və ağıllı svetofor sistemlərinin tətbiqi; Avtodayanacaq yerlərinin artırılması və qanunsuz parklanmaların qarşısının alınması üçün müasir nəzarət sistemi; 2. İctimai nəqliyyatın inkişafı: Yeni avtobus marşrutlarının açılması, kəndlərlə şəhər mərkəzi arasında əlaqənin yaxşılaşdırılması; Müasir və ekoloji cəhətdən təmiz avtobusların alınması; Güzəştli nəqliyyat kartları (tələbələr, yaşlılar, müəllimlər üçün); 3. İçməli və suvarma su problemlərinin həlli: Su çatışmazlığı olan kəndlərdə artezian quyularının qazılması və su xətlərinin çəkilməsi; Mövcud su sistemlərinin yenilənməsi və fasiləsiz içməli su təminatı; Əkin sahələri üçün müasir suvarma sistemlərinin (damcı və yağışlama sistemləri) tətbiqi; Kanalların təmizlənməsi və bərpası, yeni su anbarlarının inşası; 4. Sosial infrastruktur və xidmətlər: Kəndlərdə səyyar tibbi xidmət qruplarının yaradılması; Kəndlərdə mövcud ambulatoriyaların təmiri; 5. Təhsil üzrə proqramlar: Kənd məktəblərinin təmiri və müasir təhsil avadanlıqları ilə təmin olunması; Şagirdlər üçün pulsuz məktəb nəqliyyatı; Marneulidə tələbələr üçün təqaüd (stipendiya) programının yaradılması; Gənclər üçün peşə hazırlığı və texniki kurslar; 6. Sosial yardım: Aztəminatlı ailələr üçün sosial yardım proqramlarının genişləndirilməsi; Əmək bazarına uyğun təlim proqramları və məşğulluq təşviqləri; 7. Kənd Təsərrüfatı və sahibkarlığın dəstəklənməsi: Fermerlər üçün subsidiya və güzəştli kredit proqramlarının təşviqi; Kənd təsərrüfatı məhsullarının satış bazarlarının təşkil edilməsi; Kiçik sahibkarlığın təşviqi; Gənc sahibkarlar üçün startap dəstəyi və təlim proqramları; Yerli istehsal və ailə bizneslərinin stimullaşdırılması; 8. Şəffaf idarəetmə və vətəndaşlarla dialoq: Bələdiyyə qərarlarının ictimai müzakirəsi və açıq iclaslar; Onlayn platforma üzərindən şikayət, təklif və sual vermə imkanı; Gənclər şuraları, kənd komitələri və yerli inkişaf qruplarının yaradılması; Vətəndaş təşəbbüslərinə dəstək fondu; 9. Mədəniyyət və idman: Kəndlərdə mədəniyyət evlərinin bərpası və yeni layihələrin həyata keçirilməsi; Gənclər üçün idman meydançalarının tikilməsi və idman klublarının dəstəklənməsi; 10. Ətraf mühit: Təmizlik aksiyaları, tullantıların düzgün idarə olunması və təkrar emal təşviqi; Yaşıllıq zolaqlarının salınması və ağacəkmə kampaniyaları.

www.24news.ge

Merliyə namizəd Əli Bədirov seçki proqramını ictimaiyyətə təqdim edib

Digər xəbərlər